Elhuyar - Zientzia
2017/11/25
Lapikoa
Nola funtzionatzen
du
Bitxikeriak
Esperimentuak
Artikuluak
Zuen txokoa
Jokoak
Postalak
Gaiak
 
     Txantiloia deskargatu
Bidali zure iritziak eta iradokizunak
 

Lapikoa

lapikoa
  • Lapikoan borbor
  • Nola funtzionatzen du
  • Bitxikeriak
  • Esperimentuak
  • Artikuluak
inprimatu

Lapikoan / Esperimentuak / Askotarikoak

Musika-notak

2010/07/16 

BEHAR DUGUNA:

Egurrezko erregela fin bat.
Bi arkatz eta liburu astun bat.
Goma bat.

ZER EGIN?

Erregelaren ertz bat liburuarekin zanpatu, eta gainerakoa utzi airean eskegita. Kolpe txiki bat eman, eta soinu bat aterako duela konturatuko zara. 

 

Orain, sartu pixka bat gehiago erregela liburuaren azpira, airean erregela-zati txikiagoa gera dadin. Kolpatu berriro. Berriz ere soinua atera du? Seguru baietz, baina oraingoan altuagoa.

 

 

Ipini orain goma erregela bilduz, irudian azaltzen den moduan. Ipini, baita ere, arkatzak ertz banatan. Hatz-puntaz kitzikatu goma, gitarra bat balitz bezala.

 

Orain, hurbildu arkatzak bata besteari, eta kitzikatu goma berriz. Oraingo soinua aurrekoaren desberdina izan da, ezta? Altuagoa ala baxuagoa da?

 

ZER GERTATU DA?
Erregela zein goma laburragoak zirenean, bibrazioak azkarragoak ziren, eta, ondorioz, nota altuagoak atera dira. Luzeagoak zirenean, ordea, bibrazioak geldoagoak izanik, notak baxuagoak izan dira.
Bibrazioen azkartasunak baldintzatuta daude soinuak.

Horregatik, hari-instrumentuetan, adibidez, hatzekin zanpatzen dira sokak, guk nahi dugun adina laburtzeko. Horrela, nahi dugun nota ateratzen da.

Sortu duguna musika dela esatea gehiegitxo izango da, baina, praktikatuz gero, auskalo zer egiteko gai izango ginatekeen, ezta?


Eusko Jaurlaritzako Kultura Saila  Gipuzkoako Foru Aldundiko Kultura, Euskara, Gazteria eta Kirol Departamendua  


359 harpidedun
ditugu Zernolan

Elhuyar sarean

 

Copyright © 2007 Elhuyar Fundazioa

webmaster@elhuyar.com