Elhuyar - Zientzia
2017/9/20
Lapikoa
Nola funtzionatzen
du
Bitxikeriak
Esperimentuak
Artikuluak
Zuen txokoa
Jokoak
Postalak
Gaiak
 
     Txantiloia deskargatu
Bidali zure iritziak eta iradokizunak
 

Lapikoa

lapikoa
  • Lapikoan borbor
  • Nola funtzionatzen du
  • Bitxikeriak
  • Esperimentuak
  • Artikuluak
inprimatu

Lapikoan / Esperimentuak / Kimika

Disoluzioak

2012/02/14 Arantxa Txintxurreta

BEHAR DITUZU:

6 edalontzi, gatza, txokolate-hautsa (Cola Cao, Nesquik, Subixa...) hondarra, kafe-hautsa, jaboi-hautsa eta olioa.

ZER EGIN:
Bete edalontziak ur hotzez, erdiraino.
Lehenengo edalontzian, bota gatz pixka bat. Irabiatu koilara batez.
Gainerako edalontzietan, gehitu hondarra, kafe-hautsa, xaboi-hautsa, eta zorrotada bat olio. Bakoitzean gauza bat, eta behatu zer gertatzen den.

Laborategiko koadernoan, egin hau bezalako koadro bat, eta bete:

Disolbatzen da?           BAI          EZ
Gatza x
Hondarra
Txokolate-hautsa
Kafe-hautsa
Xaboi-hautsa
Olioa

KIMIKA HUTSA


Magia ematen duen arren, kimika hutsa da. Gatza (solutua deitzen diote kimikariek) zuria da, baina urarekin (disolbatzailea deitzen diote) nahasten denean ez da ikusten, desagertu egiten da. Gatza disolbatu egin dela esaten da orduan. Disoluzio horrek ez du atzera bueltarik; ezin dira berriro ere ura eta gatza bereizi, iragazi arren.
Hondartzako area, aldiz, urarekin nahastean, ez da desagertzen: arre-kolorekoa da, eta arre-kolorekoa izaten jarraitzen du uretan ere. Ez da desagertzen, "igerian" geratzen da. Horri suspentsioa deitzen diote kimikariek, eta ez disoluzioa.
BURU-HAUSTEA: arrautzak eta olioa nahasiz, maionesa egiten da. Inork esango al digu zer gertatu den? Disoluzioa... ez! Suspentsioa... ez! Orduan?

Erantzuna: emultsioa

Esperimentuak egiten jarraitzeko gogoa baduzu, egin esperimentu bera ur epela erabiliz. Desberdintasunik igarri duzu? Zeinetan gertatzen da azkarrago disoluzioa, hotzean ala epelean?

 


Eusko Jaurlaritzako Kultura Saila  Gipuzkoako Foru Aldundiko Kultura, Euskara, Gazteria eta Kirol Departamendua  


359 harpidedun
ditugu Zernolan

Elhuyar sarean

 

Copyright © 2007 Elhuyar Fundazioa

webmaster@elhuyar.com