Elhuyar - Zientzia
2017/11/21
Lapikoa
Nola funtzionatzen
du
Bitxikeriak
Esperimentuak
Artikuluak
Zuen txokoa
Jokoak
Postalak
Gaiak
 
     Txantiloia deskargatu
Bidali zure iritziak eta iradokizunak
 

Lapikoa

lapikoa
  • Lapikoan borbor
  • Nola funtzionatzen du
  • Bitxikeriak
  • Esperimentuak
  • Artikuluak
inprimatu

Lapikoan / Artikuluak / Biziaren zientziak; Nekazaritza, basogintza, abeltzaintza eta arrantza

Kaka? Ez, loreontzia!

2012/03/07 Lorea Arakistain

Ikerketa eta asmakizun guztiak ez dira laborategietan sortzen. Esperientziak balio handia du, eta horixe erakutsi digute Amerikako Estatu Batuetako Conneticut estatuko bi baserritarrek. Ezin ekologikoagoak diren loreontziak asmatu dituzte, behi-kakaz edo simaurrez eginak.

Behiek kaka piloa egiten dute, eta ez dute komunean egiten; ez da ura botata desagertzen. Horregatik, kaka pilatu egiten da. Eta zer egin kakarekin? Ongarri modura erabiltzea ohikoa da. Bada, loreontzi merke, ekologiko eta ezin eraginkorragoa egiteko ere aproposa da. Eta balio horretaz konturatuta sortu dituzte bi baserritarrek simaur-potoak.
Haziak ernatzeko erabiltzen dira simaur-potoak. Loreontzi berezi horiek hilabeteak irauten dute inolako kalterik jasan gabe hazitokietan dauden bitartean. Tarte horretan, landareak beste loreontzi-mota batzuetan baino osasuntsuago eta indartsuago hazten dira. Lurretik kanpo nahi beste iraun arren, behar denean, azkar desegiten dira potoak. Lurrean landatzean, di-da desegiten dira.

Edozein landare edo barazki landatzeko balio dute, tomatea adibidez. Eta onena zera da: egileen arabera -guk ez dugu probatzeko aukerarik izan-, ez du usain txarrik!


Eusko Jaurlaritzako Kultura Saila  Gipuzkoako Foru Aldundiko Kultura, Euskara, Gazteria eta Kirol Departamendua  


359 harpidedun
ditugu Zernolan

Elhuyar sarean

 

Copyright © 2007 Elhuyar Fundazioa

webmaster@elhuyar.com